افغانستان میں سیکیورٹی بحران شدت اختیار کرنے کا دعویٰ، خانہ جنگی کا خدشہ

اسلام آباد ،افغانستان میں سیکیورٹی صورتحال اور طالبان حکومت کے خلاف مسلح مزاحمت میں مبینہ اضافے پر تشویش کا اظہار کیا گیا ہے۔ جامعہ الرشید کے سربراہ مفتی عبدالرحیم نے خبردار کیا ہے کہ طالبان مخالف مسلح مزاحمت میں اضافہ افغانستان کو ایک بار پھر خانہ جنگی کی طرف دھکیل سکتا ہے۔ انہوں نے کہا افغانستان میں مختلف مسلح گروہوں کی سرگرمیوں اور طالبان حکومت کے خلاف بڑھتی ہوئی مزاحمت نے ملک کی سیکیورٹی صورتحال کو مزید پیچیدہ بنا دیا ہے۔ ان کا کہنا ہے کہ موجودہ حالات میں افغانستان کو مزید عدم استحکام اور داخلی کشیدگی کا سامنا ہوسکتا ہے۔انہوں نے افغانستان میں فتنہ الخوارج کی موجودگی اور طالبان کی جانب سے مبینہ سرپرستی کو بھی خطے میں کشیدگی بڑھنے کی ایک وجہ قرار دیا۔ تاہم ان دعوو¿ں کی آزادانہ طور پر تصدیق اس خبر میں نہیں کی گئی۔مفتی عبدالرحیم نے مزید الزام عائد کیا کہ بھارت فتنہ الخوارج سے وابستہ عناصر کی میزبانی اور مالی معاونت کر رہا ہے۔ انہوں نے یہ بھی دعویٰ کیا کہ افغانستان میں موجود ان عناصر کو اسرائیل کی جانب سے عسکری ٹیکنالوجی کی معاونت حاصل ہے۔انہوں نے کہا کہ افغانستان میں بڑھتی ہوئی مسلح سرگرمیوں اور بیرونی عناصر کی مبینہ مداخلت خطے کے امن و استحکام کے لیے تشویش کا باعث بن سکتی ہے۔ ان کا کہنا ہے افغانستان میں پائیدار امن کے لیے سیکیورٹی بحران کے بنیادی عوامل کا خاتمہ اور سیاسی و سماجی سطح پر استحکام ضروری ہے۔مفتی عبدالرحیم نے خبردار کیا کہ اگر طالبان حکومت کے خلاف مسلح مزاحمت میں اضافہ جاری رہا اور مختلف مسلح گروہوں کی سرگرمیوں کو مو¿ثر طور پر نہ روکا گیا تو افغانستان کو مزید سنگین داخلی بحران کا سامنا کرنا پڑ سکتا ہے۔