*ڈاکٹر عبدالحکیم لہڑی کا انتقال بلوچستان کے لیے بڑا نقصان ہے: میر اسد اللہ جان مینگل*

پاکستان مسلم لیگ (ن) کے مرکزی رہنما میر اسد اللہ جان مینگل نے ڈاکٹر* *عبدالحکیم لہڑی کے انتقال پر گہرے رنج و غم کا اظہار کرتے ہوئے کہا ہے کہ ان کے انتقال کی خبر انتہائی افسوسناک اور صدمہ پہنچانے والی ہے*۔ *انہوں نے کہا کہ ڈاکٹر عبدالحکیم لہڑی کی سیاسی وابستگی، جمہوری جدوجہد*، *بلوچستان کے عوام سے محبت اور سیاسی و سماجی خدمات ہمیشہ قدر و احترام سے یاد رکھی جائیں گی۔ ان کی وفات سے بلوچستان کے سیاسی و سماجی حلقوں میں پیدا ہونے والا خلا آسانی سے پُر نہیں ہوگا*۔ *میر اسد اللہ جان مینگل نے کہا کہ دکھ کی اس گھڑی میں وہ ڈاکٹر عبدالحکیم لہڑی کے اہلِ خانہ، عزیز و اقارب، سیاسی رفقاء اور تمام سوگواران کے غم میں برابر کے شریک ہیں*۔ *انہوں نے دعا کی کہ اللہ تعالیٰ مرحوم کو جوارِ رحمت میں اعلیٰ مقام عطا فرمائے اور پسماندگان کو صبرِ جمیل عطا فرمائے۔ آمین*۔